കൈത്തറി നെയ്‌ത്തുകാര്‍ക്ക്‌ അവാര്‍ഡ്‌ | |
| കാസര്‍കോട്‌: കേരളത്തിലെ മികച്ച കൈത്തറി നെയ്‌ത്തുകാര്‍ക്കുളള അവാര്‍ഡിന്‌ അപേക്ഷ ക്ഷണിച്ചു. കേരളത്തില്‍ കൈത്തറി നെയ്‌ത്തു ജോലിയില്‍ ഏര്‍പ്പെട്ട വ്യക്തികള്‍ക്ക്‌ അപേക്ഷിക്കാം. ഈ പദ്ധതി പ്രകാരം തിരഞ്ഞെടുക്കപ്പെടുന്ന 50 പേര്‍ക്ക്‌ വിദഗ്‌ധ പരിശീലനം നല്‍കും. പരിശീലന കാലയളവായ മൂന്നു മാസം ഓരോ ഗുണഭോക്താവിനും 3,500 രൂപ വീതം വരുമാന ശോഷണത്തിനുളള നഷ്‌ടപരിഹാരമായി നല്‍കുന്നതും 3,000 രൂപ അസംസ്‌കൃത വസ്‌തുക്കളുടെ ചെലവിനായി നല്‍കുന്നതുമാണ്‌. പരിശീലന കാലയളവിനുളളില്‍ രണ്ടുവീതം കൈത്തറി വസ്‌ത്രങ്ങള്‍ ഓരോരുത്തരും തെരഞ്ഞെടുക്കേണ്ടതും അവ അവാര്‍ഡ്‌ നിര്‍ണ്ണയത്തിനായി സമര്‍പ്പിക്കേണ്ടതുമാണ്‌. സാരി, ഡ്രസ്‌മെറ്റീരിയല്‍, ഫര്‍ണിഷിംഗ്‌ തുണിത്തരങ്ങള്‍ എന്നിവയ്‌ക്ക്‌ പ്രതേ്യകം പ്രതേ്യകം അവാര്‍ഡ്‌ നല്‍കുന്നു. ഓരോ ഇനത്തിനും ഒന്നാം സമ്മാനമായി 25,000 രൂപയും, രണ്ടാം സമ്മാനമായി 10,000 രൂപയും, മൂന്നാം സമ്മാനമായി 5,000 രൂപയും വീതം നല്‍കുന്നു. അപേക്ഷാഫോറവും മറ്റു വിവരങ്ങളും ജില്ലാ വ്യവസായ കേന്ദ്രത്തില്‍ ലഭിക്കും. അപേക്ഷ ഏപ്രില്‍ 30 വരെ സ്വീകരിക്കും. |
Saturday, October 8, 2011
കൈത്തറി നെയ്‌ത്തുകാര്‍ക്ക്‌ അവാര്‍ഡ്‌
Subscribe to:
Post Comments (Atom)
No comments:
Post a Comment